Ontsnap na die skoonheid van die Karoo met hierdie pragtige plaas in die Roggeveld, slegs 20 km vanaf Sutherland op die Calvinia-pad wat tans geteer word (15 km reeds voltooi). Hierdie plaas, met 'n hoe¨r ree¨nval as ander dele van die streek, bied 'n unieke geleentheid vir diegene wat 'n rustige leefstyl soek.
Eienskappe van die Plaas:
Waterbronne: Die plaas beskik oor twee gronddamme. Een dam is naby die huis met 'n pragtige uitsig oor die huis, klipkrale, windpomp, en sementdam. Die tweede gronddam word as veesuiping in die veld gebruik. Daar is drie boorgate naby die huis, insluitend een met 'n windpomp en tenk wat water aan die huis voorsien (54 meter diep), een 31 meter diep naby die huis, en een by die pan wat 19 meter diep is en sterk water het met 'n sonpomp en goeie sementdam
vir veesuiping. 'n Standhoudende fontein voorsien ook deur droogtes.
Boukonstruksie: Die plaas het ongelooflike mooi klipbanke en plat klippe, wat ideaal is vir bouwerk. Mense reis ver om hierdie unieke klippe te gebruik.
Outydse Kliphuis: Die karaktervolle kliphuis, gebou in 1916, skep 'n outydse atmosfeer met Oregon pine vloere, pragtige plafonne, en 'n soliede solder. Dit beskik oor drie netjiese slaapkamers, 'n groot badkamer met stort, 'n oop sitkamer en eetkamer met ingeboude braai, 'n ingangsportaal, 'n kombuis met agterdeur, en 'n oudtse spens wat natuurlik koel bly.
Ekstra Geriewe: Die plaas het 'n groot groentetuin naby die huis wat weer gevestig kan word, 'n sink stoor van 40m2 wat gebruik word vir skaapskeer, en 'n buitebraai by die agterdeur.
Skennelandskap: Beleef sneeuneerslag reg op jou voorstoep gedurende die sneeutye, of geniet die sterre op oopgetrekte aande.
Nota: Prys is sonder BTW as 'n lopende saak.
Read more...
Photo Grid
Show Contact Number
