Bo-Karoo Eiendomme bied aan: Te Koop gesoneer as Landbousone met pragtige ruim huis

Dit is min dat die geleentheid die rondte doen met lieflike ruim huis en Landbougrond met waterregte in "Alles in Een Pakkie".

Die woonhuis het so baie om te bied: Ideale ligging.
1 ha ofte wel 10,010 vierkantemeter Vrugbare Landbougrond. Ideaal vir boer wat bietjie kleiner wil gaan maar nogsteeds hart het vir die grond. Hier is jou geleentheid om die eienaar te word van die eiendom met ruim 3 slaapkamer huis met 2.5 badkamers,
Die vetrekke is lekker ruim en elke kamer het lieflike uitsig op die hoewe. Die hoofslaapkamer is n lekker groot vertrek en het baie ingeboude kaste en beskik oor volledige toegeruste badkamer. Die glas skuifdeure stap uit op die heerlike kuier stoep en het gaasdeure om insekte uit te hou.
Die ander 2 kamers deel volledige badkamer.
Die leef area het ingangsportaal, gaste badkamer, ruim sit en eetkamer, asook oopplan kombuis met aparte spens.

Die hele erf is omhein en beskik oor skuifhek, Ingang plaveisel met plaveisel regrondom die huis. Daar is reeds gevestigde tuin, druiwe prieel, en beskik oor verskeidenheid vrugtebome.

Daar is ekstra lang motorhuis met afdak.
Die sonkrag stelsel bestaan uit 12 sonpanele, 5KW Omskakelaar, met 2 batterye. Kisiko kan teruggesit word op die Dorpsraad krag stelsel.
Gaas voor al die deure en vensters asook blinders met sonblok voor die vensters. Read more...