Hierdie besonderse groot ruim oopplan woonhuis is iets besonders om te beleef. Hier voel mens geensins vasgedruk nie en die kombuis maak deel uit van die oopplaan leefarea met 'n eiland, 'n eetkamer, sitkamer en tv kamer. Vanuit die kombuis is daar 'n groot opwasarea wat dien as 'n waskamer en opwasarea. Die kombuis het 'n eiland en baie ingeboude kaste.

Vanuit die groot woon en leefvertrek stap jy uit met alliminiium skuifdeure op die onthaalarea wat ingerig is met 'n tweede informele kuierarea, 'n groot eetkamerstel en braai-en kuier area. Die eiendom bied u soveel spasie en ruimte met 2 slaapkamers en 2 badkamers waarvan beide die badkamers en-suite is. Die gastekamer het ingeboude kaste en die en-suite badkamer is toegerus met 'n stort, wasbak en toilet. Die hoofslaapkamer het meer as genoeg ingeboude kaste en daar is baie pakplek vir klere. Die en-suite hoofslaapkamer badkamer is toegerus met 'n bad, stort, wasbak en toilet. Daar is ook 'n linnekas in die gang.

Die onthaalarea het 'n ingeboude braai en hierdie stoeparea is die hartklop van die huis. Hier word heerlik saam gekuier en familietyd spandeer. 'n Groot vertrek en weereens is ruimte en spasie wat eerste beindruk.

Die woning het 'n lae onderhoudstuin met twee groentetonnels. 'n Boorgat vir tuinbesproeiing. 'n Boma area en 'n klein jacuzzi afkoel plek vir kleinkinders. Daar is drie motorhuise, 'n stoorkamer en buite geriewe asook 'n afdak vir 'n boot of karavaan. Met die gekombineerde solar en elektriese kombinasie van die geyser wat gemonitor word, bespaar u verseker op krag.

Kranspoort is 'n pragtige dorp in die Loskop Vallei. 'n Stukkie juweel tussen Middelburg en Groblersdal op die N11 en 'n klipgooi van die gewilde Loskopdam. Kranspoort dorp word hanteer as 'n echo estate. Boslewe met gemak. 'n Plek waar kinders nog in strate kan baljaar en mens in die veiligheid van 'n beheerde sekuriteits toegang omgewing kan leef en funksioneer. 'n Dorp met sy eie watersuiweringsaanleg, abbatoir, 9 putjie gholfbaan, 4x4 roetes, staproetes, wild wat vrylik tussen die woonhuise deurbeweeg, 'n Raasblaarsaal wat gehuur kan word vir verjaarsdae en byeenkomste, genoeg piekniekplekke, 'n baie aktiewe jukskei klub, 'n markdag wat gereeld aangebied word, 'n 9 putjie golfbaan en visvang plek. Goeie bestuur en beheer oor paaie en dienste is hier 'n gegewe.

Kontak my gerus vir 'n afspraak om hierdie eiendom te besoek. Read more...