Hierdie pragtige woning in Kranspoort met sy duursame rooi klei bakstene en donker alliminium afwerking is gebou om te beindruk. Van die oomblik wat jy deur die moderne dubbel alliminium voordeur stap word mens oorweldig deur die afwerking, die ruimte, die natuurlike lig wat so vrylik deur die huis vloei en die lieflike bos waarop jy uitkyk van feitlik elke vertrek.
Die oopplan kombuis, sitkamer en eetkamer is ruim. Die kombuis met sy pragtige kaste, gasstoof, reuse eiland en donker granietblaaie indrukwekkend. Die kombuis het plek vir 'n dubbel yskas-vrieskas en daar is oorgenoeg pakplek en baie laaie. 'n Aparte opwaskamer is geriefllik toegerus met plek vir kombuistoerusting, ekstra kaste, pakplek en dubbel opwasbak. Die woonvertrek en kombuis stap uit op 'n pragtige
onthaalarea deur opvou glasdeure, kompleet met plafon en braaiarea waar u met gemak 'n 12 sitplek patio of houttafel en stoele kan neersit vir gesellige kuiers. Hierdie is absoluut 'n ekstensie van die oopplan leefvertrek en kombuisarea van binne na buite. Die lieflike bos waarop hierdie leefvertrekke en onthaalarea uitkyk verras jou met Nyala's en Koedoes wat rustig hier loop en wei of in die koelte van 'n boom op 'n warm Somersdag hul le kom kry.
Daar is 3 groot en ruim slaapkamers met genoeg ingeboude kaste, 2 volledige badkamers met bad, stort, toilet en wasbak, waarvan die en-suite 'n dubbel wasbak het. Vir gaste is daar buite geriewe naby die onthaalarea wanneer buite gekuier word. Die hoofslaapkamer en tweede slaapkamer stap met skuifdeure uit op die stoep/onthaalarea en kyk uit op die pragtige bos aan parkland kant. Die derde slaapkamer het ook skuifdeure wat uitstap op 'n tweede stoeparea. Die studeer/werkskamer het ingeboude kaste en 'n werks/lessenaar blad. Die dubbel motorhuis het ekstra werksspasie vir 'n werkstafel en kaste, en daar is ook ekstra parkering vir besoekers.
Kranspoort is 'n pragtige dorp tussen Middelburg en Groblersdal op die N11 en 5km van die gewilde Loskopdam. Kranspoort bied u 'n sekuritets beheerde ingang, 9 putjie gholfbaan met klubhuis, 'n goed beheerde Kranspoort Eienaarskomitee met reels en regulasies, 4x4 roetes en staproetes, 'n Raasblaarsaal vir groot kuiers en byeenkomste, 'n aktiewe stapgroep, markdae, jukskei, piekniekplekke, wild wat vrylik rondbeweeg en 'n besonderse voellewe. Om hierdie rede is dit te verstane dat Kranspoort nie troeteldier vriendelik is nie, en daarom nie katte of honde toelaat nie. Die inwoners van Kranspoort het hierdie leefstyl juis gekies om weg te breek van die gejaag en geraas wat bekend is met die stads en dorpslewe, doef-doef musiek en 'n gejaag van punt tot punt. Hier hou inwoners by die 30km spoedgrens terwille van ons wildslewe, en konsidireer bure mekaar waar almal verkies om in harmonie saam te leef met rus en vrede as die gemeenskaplike faktor wat almal laat uitreik na Kranspoort.
Vir 'n besoek aan Kranspoort en om hierdie lieflike woning te besigting - kontak my gerus vir 'n afspraak.
Read more...