Hierdie woonhuis bied jou die ruimte en sjarme van 'n ou woning met sy soliede bouwerk, nostalgiese strook gedrukte plafon, groot leefruimtes, baie kaste en ruim kamers en badkamers met nuwerwetse alliminiums, ligte en dakwaaiers. Die lieflike uitsig vanaf die oopplan leef en kombuisarea is prentjiemooi.
Die boonste vlak van die woning bied u die groot oopplan leefarea, kombuis en eetkamer met 'n aparte opwasarea. Vanuit die leefarea is daar 4 groot alliminium oopvou deure wat uitstap op die hout balkon wat ook as loopvlak dien vanaf die voordeur na die sydeure van die woonhuis aan die kant van die leefarea en kombuis. Die hoofslaapkamer is ruim met ongelooflik baie kaste en pakplek en 'n en-suite badkamer kompleet met bad, stort, toilet en wasbak. Hierdie vlak van die woonhuis is
ook rolstoel vriendelik en maklik toeganklik vir bejaardes wat dit moeilik vind om te loop. Op hierdie vlak is ook 'n gastekamer en aparte badkamer met wasbak, toilet en bad.
Op die grondvloer is daar 'n aparte woonstel met 'n stoep, 'n oopplan kombuis, leef en klein sitarea en 'n badkamer met stort, wasbak en toilet. Die woonhuis het ook 5 motorhuise en oorgenoeg plek vir die parkering van 'n boot, karavaan of kuiergaste. Daar is 'n stokperdjie/stoorarea/wynkelder - wat ookal u behoefte mag wees. Hierdie ruimte kan u inrig na behoefte.
Die tuin, swembad en kuierarea is 'n lus vir die oog en goed beplan met lae onderhoud ingedagte. Hierdie is voorwaar net 'n intrek en leef huis. Netjies en perfek. Die huidige eienaars mag dit oorweeg om die meubels ook apart te verkoop indien 'n voornemende koper sou belangstel.
Kontak my gerus vir 'n afspraak om hierdie pragtige woning in 'n baie stil en rustige area in Kranspoort te besigtig.
Read more...