Hierdie ruim oopplan woning spog met 'n lieflike onthaalarea met swembad en pragtige lae onderhoudstuin, privaat en ideaal vir groot gesinne of groot familie kuiers. Hier gaan u beslis nie vasgedruk voel nie. Met 'n lieflike uitsig en parkland/groenstrook area waaroor u uitkyk is hierdie eiendom beslis een wat u kortlys kan haal wanneer u na eiendom in Kranspoort soek.
Die woning bied u drie reuse groot slaapkamers met oorgenoeg ingeboude kaste en en-suite badkamers. Die twee gastebadkamers is toegerus met 'n stort, wasbak en privaat toilet en die hoofslaapkamer met 'n stort, wasbak, hoekbad en privaat toilet. Al hierdie uiters goed beplan met die oopplan styl regdeur die woning. 'n Gasgeiser voorsien die gastekamers van warm water en die hoofslaapkamer en kombuis grbruik 'n
elektriese geiser.
Die kombuis is ruim en 'n oopplan met 'n vyf gas plaat en 'n gerieflike ooghoogte oond. Meer as genoeg laaie en kaste vir pakplek, baie werksblad spasie en 'n groot eiland. Daar is 'n sitkamer, eetkamer en 'n kaggelarea waar die eienaars heerlik ontspan in die winter. Die studeerkamer is groot genoeg vir twee lessenaars en 'n ideale werkspasie om van die huis af te werk. Wi-fi opvangs hier is geen probleem nie.
Die onthaalarea met groot stoep het 'n ingeboude braai en 'n kroegblad. Netjies en met styl beplan. Vanaf die stoeparea kyk u oor die swembad, die pragtige tuin en die boma area wat ook gebruik kan word as 'n buite braai area.
Die woning het 3 motorhuise met werkspasie vir 'n persoon wat lief is om in die motorhuis besig te bly. Daar is ook 'n afdak. Die eienaars is bereid om die inhoud van die woning addisioneel te verkoop aan die voornemende kopers.
Kranspoort is enig en uniek in soort. 'n Plek waar mens kan asem haal van die dolle gejaag van die lewe buite hierdie beskermende area met wildsheining. Beheerde sekuriteitstoegang verseker dat inwoners hier veilig voel, en goeie instandhouding en beheer maak die lewe in Kranspoort absoluut gemaklik, Kranspoort bied u soveel meer as net 'n beskermende woongebied. Met die 9 putjie gholfbaan, jukskei bane, markdae, 4x4 roetes en staproetes, voeluitkyk punt en piekniek plekke sowel as speelplek vir kinders en braaigeriewe by die Raasblaar saal, is hier meer as genoeg om te doen. Kinders kan hier, sonder bekommernis van ouerkant, die bos gaan verken en op hul fietse klim en die dorp invaar.
Kontak my gerus vir 'n afspraak om hierdie pragtige bosveld eiendom te besigtig.
Read more...
Photo Grid
Bedrooms:
3
Bathrooms:
3
Garages:
3
Parking:
2
Study
No Pets Allowed
Furnished (Optional)
Pool
Garden
Show Contact Number
