As jy skoon liries raak wanneer jy 'n pragtige huis instap, dan weet jy, hier sal ek ook graag wil bly, en jy is seker, jou kliente sal beslis ook gaande raak oor hierdie plek. As jy ooit skepties was oor 'n houthuis (log home) innie bos, gaan hierdie huis beslis jou anders oor dit laat dink en voel. Van die oomblik wat jy instap en jou eerste tree op die pragtige lamineerde houtvloere neersit en opkyk na die dubbel volume dalk met donker balk afwerking en ligte plafonne, kan jy nie anders om te dink, "magtig hierdie is voorwaar pragtig". Of die foto's eerlikwaar die mooi van hierdie eiendom werspieel is onseker, maar ek kan u verseker, u gaan meer as beindruk wees wanneer u hierdie besonderse, uiters privaat woning besoek.
Die oopplan sitkamer, eetkamer, leefvertrek en kombuis is
ruim en groot. Die kombuis het meer as genoeg pakplek en die opwas en waskamer area is netjies uit die oog. Daar is ekstra linnekaste, pakplek ek kruideniers spasie ook. Daar is ook 'n kombuisdeur wat uitstap na die loopvlak om die huis. Die leefarea het groot vensters asook skuifdeure wat uitstap op die balkon/onthaalarea en natuurlike lig inlaat. Daar is 3 slaapkamers in die hoofhuis met 2 badkamers waarvan die hoofslaapkamer se badkamer en-suite is. Die badkamers is volledig met bad, stort, wasbak en toilet. Elke kamer stap uit met oopskuif deure op 'n balkon. Vanaf die stoep het jy letterlik 'n uitsig feitlik reg om jou. Die bos is ruig en jy is totaal en al privaat, of jy nou bo by die stoep sit, of onder by die swembad en onthaalarea of boma kuier, niemand kan jou privaatheid versteur nie. Lugverkoeling is in die hoofslaapkamer, kombuis en oopplan leefvertrek en dakwaaiers in die gastekamers. 'n Skadunet groentetuin is 'n ekstra plus.
By die swembad area is 'n vierde slaapkamer met en-suite geriewe met stort, wasbak en toilet. Hierdie kan gebruik word as 'n vierde slaapkamer, of swembad onthaal area, stokperdjie kamer of kantoor. Daar is ook 'n netjiese boma area vir heerlike kuiers saans om 'n vuur. Daar is drie toesluit motorhuise met automatiese motorhuis deure en 'n addisionele stoorkamer. Hierdie woonhuis bied jou meer as wat u verwag en die omringende bos en uitsig eerlikwaar iets wat jou gunstig sal stem. Die area is gladnie besig nie en jou bure in die omgewing rustig, stil en vriendelike mense.
Kranspoort is die plek om te bly of heen te vlug as die stadslewe jou begin oorweldig of as jy opsoek is na 'n eiendom waar rus en vrede jou omring en jy permanent wil woon, Hierdie prag woning is beslis 'n opsie om te oorweeg. Kranspoort dorp is enig en uniek in soort. Hier kan kinders en kleinkinders nog stap en fietsry, die bosveld gaan verken en saans saam met grootouers en ouers op 'n kampvuur kuier. Kranspoort is gelee op die N11 tussen Middelburg en Groblersdal op die N11 en 'n klipgooi van die gewilde Loskopdam Vakansieoord. Kranspoort bied u 4x4 roetes, staproetes en wandepaaie, piekniekplekke, 'n 9 putjie golfbaan, 'n informele klubhuis, jukskei bane, 'n Raasblaarsaal waar funksies gehou kan word, 'n visvang area en beheerde sekuriteitstoegang vir veiligheid. Voeg daarby vriendelike inwoners, 'n gemeenskapskerk, 'n Kudu Mini Market en drankwinkel net buitekant die hek asook restaurante op die N11 soos Waterval, Go2 en Maroele Pub & Grill, en jy het 'n kompleet pakket met alles in die omgewing.
Kontak my gerus vir 'n afspraak om hierdie besonderse woonhuis te besoek. U sal nie 'n oomblik spyt wees nie.
Read more...
Photo Grid
Bedrooms:
4
Bathrooms:
3
Garages:
3
No Pets Allowed
Pool
Show Contact Number
