Uiters privaat en aangrensend tot parkland met die mooiste uitsig. Geen beskrywing sal presies kan verwoord wat hierdie eiendom u bied nie. 'n Mens moet die huis self beleef en ervaar om die waarde van hierdie eiendom te besef. Die reuse groot stoep, die lieflike onthaalarea, die boma area wat oor Kranspoort uitkyk en die mooiste sonsopkoms en sonsondergange, is maar 'n paar van die dinge wat u sal beleef as u hier koop. Eienaars vertel opgewonde van die kameelperde wat gereeld draai en aan die Apiesdoring kom vreet, Swartwitpens wat kom kuier en die Zebras wat met 'n "sjoe-sjoe"" soms verjaag moet word. Hierdie is voorwaar 'n eiendom met wild op jou voorstoep. Die rus en vrede wat mens hier uit arendsoog ervaar, is enig in soort. U sal eerlikwaar hierdie omgewing onsettend baie
geniet.
Die leefvertrekke, oopplan kombuis, spens en aparte opwas, die ruim badkamers, en groot slaapkamers is alles ontwerp in die rustieke styl en die wandelpaadjies na sitplekke en uitkykpunte in die natuur en die boma area is eerlikwaar iets wat beleef moet word. Die woonhuis bied jou dan 'n onthaalarea met ingeboude braai, vier slaapkamers en vier badkamers waarvan drie van die vier kamers en-suite badkamers het met toilet, wasbak en 'n groot stort. Die hoofslaapkamer se badkamer is toegerus met wasbak, toilet en bad. Die badkamers is prakties ontwerp en keurig rustiek in styl. Verder is daar 'n groot oopplan sitkamer en eetkamer, 'n kombuis met ;n groot eiland, gasstoof en spens. Daar i sook 'n aparte waskamer, 'n reuse groot stoep, jacuzzi, lieflike tuin, groenstrook area aangrensend aan twee kante van die eiendom en 'n dubbel motorhuis. Die eiendom sluit van die meubels in maar nie noodwendig alles wat u op die foto's sien nie. Met u besoek sal u 'n volledige inventaris kry van die inhoud wat ingesluit is by die prys.
Hierdie eiendom se ligging is ideaal, 'n gerieflike leefhuis, volledig toegerus met lugverkoelers en skerms (''fly screens"), uiters privaat en 'n groot lae instandhoudings erf met boonop die meubels ingesluit. U gaan voorwaar nie maklik nog so 'n eiendom op Kranspoort raakloop nie.
Kranspoort is gelee op die N11 tussen Middelburg en Groblersdal en 'n klipgooi van die gewilde Loskopdam en reservaat. Hier loop wild tussen die woonhuise rond en kan kinders met fietse in strate gaan ry of die bosveld omgewing verken sonder enige bekommernis. Kranspoort bied aan inwoners 4x4 roetes, staproetes, 'n 9 Putjie gholfbaan, Diskgolf, 'n klubhuis, restaurante in die omgewing, 'n gemeenskapskerk, drankwinkel en Kudu Mini Market, stooreenhede, 'n mini hardeware winkeltjie oorkant die ingang van Kranspoort, asook twee kwekerye in die omgewing.
Kontak my gerus vir 'n afspraak om hierdie lieflike eiendom te besigtig.
Read more...
Show Contact Number
