ALLEENMANDAAT: Is u opsoek na 'n erf in Kranspoort? 'n Erf maklik toeganklik vir 'n boot en karavaan, teen parkland met uitsig? Wel dan het ek vir u die ideale erf. Hier kan u 'n droomhuis bou en in rus en vrede u tyd naweke spandeer. Beplan vir u 'n pragtige huis en laat een van die bekwame ontwikkelaars in Kranspoort vir u 'n huis op hierdie lieflike erf bou. Die erwe in Kranspoort is uitverkoop en hier is een vanvier sulke besonderse erwe nou te koop. Boonop praat die eienaars in hierdie omgewing van baie sterk water wat hul kry wanneer hul 'n boorgat sink - sommiges soveel as 5000lt en meer per uur. Op sigself 'n groot voordeel, want met sonkrag, gas geysers en 'n gasstoof en 'n beskermde groentetuin op u agterstoep sal u beslis ''groen' kan leef binne-in Kranspoort
sekuriteitswoonarea wat veilig is. Totaal self-onderhoudend. Die erf verleen hom absoluut daartoe om 'n huis met fondasie en loopvlakke te bou, of totaal en al modern te gaan en op stelte te bou vir 'n moderne, lae onderhouds woning wat so min as moontlik die natuur versteur. Jou keuse! Jou droom!
Kranspoort is 'n besonderse dorp om in te woon. Met die KEK kantoor in beheer word daar omgesien na alle dienste, paaie, waterlewering uit hul eie watersuisweringsaanleg, die beheer van ons pragtige wild, die sekuriteitsingang, heininginspeksies en die omgewingsbestuur van ons pragtige bosveld. Hierdie pragtige dorp is gelee tussen Middelburg en Groblersdal op die N11 en 'n klipgooi van Loskopdam. Hier kan kinders nog in strate baljaar, hul fietse neersit buite die huis en dit net daar kry wanneer hul terugkeer om verder rond te ry en die dorp en omgewing te verken. Hulle kan gaan berg klim en staproetes volg, visvang by die Kranspoortspruit dam, piekniek hou by toegeruste piekniekareas kompleet met klimrame, gholf gaan speel of saam met ouers die 4x4 roetes aandurf. Hierdie is die geleentheid om kinders te ''laat leef''. Hulle lief te maak vir die natuur en die dierelewe en saam kwaliteit gesinstyd te spandeer. Wat meer is tog belangriker as familie en gesinstyd en voeg daarby 'n liefde in hul kweek vir die natuur en dierelewe en u kan verseker wees hul gaan gebalanseerd die lewe in. Kontak my gerus vir 'n afspraak om hierdie besonderse erf te besigtig en beplan solank aan u droomhuis.
Read more...
Photo Grid
Show Contact Number
