Ruig, bebos, plat erf, grens aan groenstrook area en goeie bure! Wat meer kan mens vra. Hierdie erf by die gesogte Kranspoort Golfbaanarea is nou te koop. In hierdie omgewing sien mens gereeld Swartwitpens, Impala en die mooiste Koedoe Bulle. Kranspoort se 9 putjie Golfbaan is gewild en het 'n lieflike gholfbaan omring met natuurlike bosveld plantegroei. Daar is planne oor die eiendom goedgekeur indien u sou belangstel.
Kranspoort is slegs 2 en 'n half uur se ry van Pretoria/Johannesburg op die N11 tussen Middelburg en Groblersdal en 'n klipgooi van die gewilde Loskopdam. Kranspoort bied 4x4 roetes, staproetes , visvang, die gholfbaan en 'n rustige en vreedsame bestaan sonder die gejaag en harwar van die stadslewe. Hier kan kinders nog in die strate baljaar en ouers kan
kinders toelaat om op fietse oral rond te ry sonder enige bekommernis. Saans kan julle heerlike ontspan om 'n kampvuur wat baie van vandag kinders nog nie eens in hul lewens ervaar het nie, en die rustigheid en kalmte wat net die bosveld jou kan bied, inasem. Kranspoort spog met 'n verskeidenheid van wild en 'n voellewe wat alle verwagtinge sal oortref. As jy op soek is na 'n plek waar jy kan ontspan, of dit net vir naweek besoeke is en of jy Kranspoort jou permanente woonplek wil maak, kontak my gerus. Ek sal met graagte hierdie lieflike dorp aan u wil bekendstel.
Read more...
Photo Grid
Show Contact Number
